اهلا اهلا ^_^

الصراحة مش عارفة اعبر عن فرحتى باللي بيقرا كلامى دلوقتى 
اكيد انا فرحانة , لانى بنت شقية جدا , والكتابة مكنتش علي بالي خااااااااااااالص 
انا الفكرة تطلع فى راسي , هوب علي طول اقوم اعملها , مش بفكر ولا بعمل حسابي لاي حاجة 
يعنى بنت متهورة جدا , ده جزء من شخصيتى 
اما الجزء التانى اللي ديما بقول هو ازاي جاي معايا 
هو اني رومانسية جدا ,  و اااااااااااه لو شوفت مشهد رومانسي , علي طول دموعى تشتغل 
انا بحب اجرب كل حاجة طالما انها مش عيب ولا حرام 
وبستمتع جدا كل ما اعرف حاجة جديده 
افتكر زمان حاولت اكتب هههههههههههههه
بس فشلت ومعرفتش انهى القصة اللي بداتها 
كانت انمى جاسوسية 
اه نسيت اقولكم 
انى بحب الجواسيس جدا جدا 
لدرجة انى كنت بحلم ليل نهار انى جاسوسة واتخيل مغامرات 
ولحد ما اتجننت في يوم وروحت ضحكت علي اختى الصغيرة واقنعتها انى جاسوسة 
كنت مجنونة (معلش معلش ههههههههههههه)
كانت ايام كنت في الفترة دى مهووسة بحاجة اسمها انمى (ما زلت ) بس دلوقتى تقدرو تقولو انى عقلت حبتيين 
حولت بقي نشاطى لاي حاجة اشوفها لازم اعرفها بقيت اقرا معلومات كتير 
وحاجات كنت بكرها حاولت اعرفها 
زى الكيروشيه اتعلمتو مش كله بس اتعلمت حاجات اقدر استفيد منها وهكملو 
انا اصلا بحب الرسم وهو هوايتى الاساسية هو والقراءة
بس حبيت اجرب شئ تانى انى احول افكاري لكتابة 
الشئ اللي فشلت فيه 
كتبت حاجات وعجبت البنات اللي شافوها 
بس بصراحة انا مش مقتنعة بيا لحد دلوقتى 
وعشان كده انا مبسوطة اوى من مغامرة الحوليات 
انا كتبت المقدمة دى عشان كل واحد يدخل المدونة لاول مرة يعرف هو بيتعامل مع ايه 
بنوتة شقية 
انا اه حساسة بس مش هزعل من ملاحظة لانها هتحسن مستوايا 
انا مش بلعب انا واخده الموضوع جد 
عشان كده ياريت اللي يدخل يسيب تعليق بضمير 
مش يقول حلوة وجميلة وممتاز 
لا انا مش بحب كده 
***********************************
دى كانت المقدمة لمدونتى , ودلوقتى انا هشرح النظام 
1- مدونتى فيها صفحة اساسية بتظهر اول ما حد بيفتح المدونة عادى , واللي هى الصفحة دى 

2- في اقسام , وهى دى الاقسام اللي هيكون فيها المواضيع 

3- انا مش برد علي تعليقات لانى مش  بعرف اجامل و لا ارد  ,عشان كده انا ممتنعة عن الردود 
وهيسعدنى انكم تتقبلو الموضوع بصدر رحم
لو في تعليقات انا هرد عليها هعملها في موضوع 
بطرقتى الخاصة وهرد عليها 
وهيكون في قسم المناقشات 
وده ملوش اي علاقة بالتدوين اليومى 
ده مش تكبر منى ولا حاجة 
انا مش بحب اكسف حد عشان كده حاولت اوضح النقاط دى 
مع تحياتى : 
هــيــامــ ســالــمــ