الي متى الانتظار ؟!

هل يمكن لحب ان يسطر علي الاوراق ؟؟

هل يمكن لقلب استنزفه العشق ان توصفه الكلمات ؟؟

هل يمكن لقصة حب ان تحتويها بعض الاوراق ,  ان تتحمل الكلمات والحروف نبضات القلب والعشق ؟؟

ان توصف الحروف تلك القشعريرة التى تسري بالجسد فقط عند سماع ذلك الاسم .

ولما هذا الاشتياق؟؟

هل اصابنى الجنون حتى اراك في كل الوجوه انت فقط من اراه ؟؟

تسير امامى بتلك الابتسامة الساخرة

تقول لي لن تستطيعى محوى

اركض من تلك الافكار وصوته يلاحقنى

انا معك دائما

اصرخ ,  لم انت هنا , يكمل ساخرا

قلبك لي وحدى لن ياخده غيري

لماذا تفعل بي هذا "احبك" ولن احب غيرك

يالهى مالذي تفوهت به؟؟

هل حقا احبك ؟!

اهذا هو الحب ؟؟

هل ما يحدث لي, هو انى احبك ؟؟

وانت ؟؟ أتحبنى مثلما احبك ؟؟

اتشعر بي ؟؟ اتشعر بدقات قلبي التى تشبه دقات الطبول ؟؟ , يكاد قلبي يخرج من صدري

يريد الصراخ

"احبك "

غفي قلبي وهدات دقاته لا اسمع لها صوت .

وحيده في تلك الظلمة لا اعلم ما افعل اتلفت يمين ويسار اين هو فارسي ؟؟

يالهى ما هذا!!

هل ابكى ؟؟ لما ؟؟

هل انا خائفة ؟؟ ام تعبت من الانتظار ؟؟

فارسي اين انت ؟؟ انتظرك والشوق يقتلنى

حتى اصبحت مشاعري متحجرة لا تريد التحرك الا وانت امامى .

ارهقنى العشق , حتى عند سماعى لكلماته لا اتحرك لها , فقط اتذكرك

وتسقط دمعة , لا اعلم لها تفسيرا

سوى انى اشتاق اليك .

الى متى الانتظار ؟؟

لما انا خائفة ؟؟

اصبحت تروادنى الافكار التى تشبه تلك الاحلام المزعجة التى تفزعنا من نومنا, ولكن تلك الافكار احلام يقظة مزعجة تروادنى دائما ,انى ساظل اتنظرك دائما ولكن دون فائده, تفزعنى لاستيقظ علي ظلمة اخشاها فلا اعلم اين اسير وما سيقابلنى فانا لا اري سوى ظلام داكن , يستمد قوته من تلك الافكار والاحلام المزعجة التى اخشاها , وتتجسد لي امامى احاول الهرب بلا فائده , فهى خلفي دائما .

الي متى ساظل اقاوم بمفردي ؟؟

الي متى ساظل خائفة ؟؟

الي متى انتظر ؟؟

 مع تحياتى 

هــيــامــ ســالــمــ

سوبر هيام

البداية

 في بلاد العجائب الخاصة بي يوجد الكثير والكثير

واليوم انا سوبر هيام

ولكن كيف ؟!!

 في ظل الظروف المحيطة بنا يوجد الكثير من الضغط والتوتر , خصوصا علي الفتيات مثلي , ولكن ... انا لست كأي فتاه

 فأمى دئما تقول لي

"انتى واكلة قلب اسد"

 فانا لا اظهر مشاعري لاحد , لا احب ان اظهر ضعفي امام احد

ولكن اليوم يوم خاص .... وكسرت القاعده

يوم عادى يمر علي , كنت نائمة بهدوء احلم احلام قتالية كالعاده ,اعتدت هذه الاحلام , بل اصبحت استمتع بها لاننى انتصر فيها دائما, وهذا لاننى اميل الي القتال بحكم تربيه ابي لي , فصار القتال عندى مثل شرب الماء

نعود لنكمل ما حدث

وفى ظل المعركة القتالية التى استمتع بها , استيقظ علي صوت انفجار شئ ما

وللحظة تخيلت اننا دخلنا في حرب مع احد

ساموت ... ترددت هذه الكلمة الي ذهنى عده مرات

حتى قاطع ترددها صوت انفجار اخر , اتت اختى مسرعة هى وامى تبكيان  

اما اخى  فغير واع لما يحدث فقد كان نائما مثلي ^_^

احقا هذا صوت متفجرات ؟!!!

هل فعلوها ؟!

كنت ما زلت علي وضعيتى نصف نائمة ونصف مستيقظة

واشعر بغضب شديد ,اريد قتل من فعل هذا

هكذا حدثت نفسي  

ولكن بكاء اختى وخوف اخر العنقود اغضبنى اكثر

وللمرة الاولي اهتز من الداخل حتى اننى اردت البكاء

ولكنى لا احب هذا , لا لن ابكى

فيما بعد علمت انها طائرتان اخترقتا حاجز الصوت

اتذكر انى اصبحت في عالم اخر حيث اننى لم استطع تمييز الاصوات ولكن اسمعها

كانت كصوت ضوضاء مزعجة , تركتها واتجهت الي غرفتى

جلست وحيده اراجع ما حدث في الدقائق السابقة ,والان

منزلى في بلاد العجائب الخاصة بي

 

حان دور بلاد العجائب ولكن بنكه شريرة انتقامية^_^

 , هذه المرة اخترت الانتقال الي عالمى الخاص  

انا في منزلي في هذا العالم , منزل صغير ولكن كما احب , اتجهت الي غرفتى في هذا المنزل وفضلت ان انام , فانا لم انم جيدا

سانتقم لاحقا , ولكن لم تكتمل فرحتى ,فاستيقظت علي يدى اخر العنقود الصغيرة ترتجف وتبكى وتقول

"دول ولعو ف البيت اللي هناك"

سوبر هيام

 تأففت وانا لا اعلم ماذا افعل, الا يستطيع احد ان    ينال قسط من الراحة في هذه البلد

حتى اننى لم اكمل فرحتى بما فعله الشعب

اسندت راسي الي السرير
وعدت الي بلاد العجائب الخاصة بي وتحولت الي سوبر هيام

والان حان الوقت الانتقام منهم ,اخذت اجول الشوارع باحثة عنهم

كما يبحث الاسد عن فريسته , حتى وجدت بعض منهم

وقفت افكر ماذا افعل بهم ؟؟

لم اخذ الكثير من الوقت , واندفعت طائرة باتجاهم , ومن سرعتى الكبيرة لم ينتبه احد منهم الي , ووجدو انفسهم معلقين فوق احد اعمده الانارة , لقد اخترت اطولهم حتى يظلو هناك لبعض الوقت

اما الان يجب ان ابحث عن بقيتهم ,لازال الانتقام بداخلي يشتعل , يجب ان افكر في شئ لعقابهم ,لانهم اغضبونى , اسرعت اكثر واكثر , وكلما زاداشتعال غضبي زادت سرعتى حتى اصتدمت بالحائط ووقعت علي الارض ومن شده المى لم استطع ان اتحرك ,فاكتفيت بأن افتح عيناى لاري ماذا حدث

فوجدت اخر العنقود قد ضربتنى بالوساده ع وجهى وهى تقول

" قومى يلا عشان تفطري المغرب اذن"

ولكنى لم اكمل انتقامى :(

مع تحياتى :

هــيــامــ ســالــمــ

الوحده

الوحده

تعرف يعنى ايه الوحده ؟, طيب تعرف شعورها ؟

عارف الوحده زى ايه ؟

الوحده زى انسان موجود مع ناس , بس محدش شايفو ولا واخد بالو منو

لما يجى يتكلم محدش يسمعو حتى لو صرخ باعلي صوت

لو عيط محدش هيجى يقولو مالك , ده لان محدش حاسس بيه من الاساس , ولو فرح محدش هيضحك معاه

الوحده انك تكون عايز تتكلم مع حد ومتلاقيش حد يسمعك

تبقي عايز تقول كلام كتير في قلبك عشان ترتاح

بس محدش مهتم بيك عشان يفكر انت مضايق ولا مبسوط

الانسان الوحيد

زى انسان شفاف شايف كل الناس وبيحاول يكون معاهم

بس محدش شايفو

بيفرح لفرحهم ويزعل لزعلهم بس محدش حاسس بيه

و في الاخر بيبعد ويروح لمكان بعيد يقعد لواحدو مع وحدته اللي بقت اقرب ليه من روحو

ومحدش بياخد بالو انه كان موجود من الاساس 

...........................

استيقظت من نومى قلقة 

من تسرب خيوط القمر الفضية الي غرفتى المظلمة 

يبدو ان القمر ليس صديق كل حبيب فقط

يبدو انه ايضا صديق كل وحيد 

يااللهى كم الساعة الان ؟

ادور بعينيى الحائرتين بين اركان غرفتى 

الم ينتبه الي احد حتى الان ؟

اتجهت الي الباب بكل تثاقل 

وبهدوء فتحت الباب 

الضوء شديد لا استطيع الرؤية 

يبدو اننى مكثت كثيرا في غرفتى المظلمة 

اخذت اتجول في المنزل 

لا يوجد احد 

انسحبت بهدوء الي غرفتى المظلمة واغلقت الباب

مع تحياتى :

   هـــيـــامــ ســـالـــمــ

انا زهرة في بلاد عجائبي ^_^

البداية 

استيقظت اليوم مبكرا , لم استطع النوم جيدا , ولكنى اشعر بالنشاط , ولسبب ما لدي رغبة في شرب كوب من القهوة , فلقد اشتقت اليها .

اعددت كوب من القهوة ثم حملته بحذر الي الشرفة , جلست في حالتة استرخاء واسندت راسي الي الحائط .

يالهى كم احب رائحة الصباح .

و بهدوء ارتشفت رشفه صغيرة من القهوة , ثم اخذت اتجول بنظري علي كل ما تقع عليه عيناى , حتى وصلت الي تلك الشجرة الساكنة امام منزلي  شجرة خضراء زاهية اللون , يتخللها ازهار حمراء

تلعب وريقاتها مع ذلك النسيم الرقيق , الذي تلاعب بأوراقي  

ابتسمت بهدوء وحدثت نفسي قائلة

لو ان تلك الكاميرا اللتى اتمناها معى لصورت ذلك المنظر الرائع , فانا احب التصوير فهو شئ اخر من هواياتى المتعدده

رفعت الكوب ومازال نظري معلق علي تلك الشجرة

يبدو ان اهتمامى بها بسبب تلك الزهور الحمراء , فانا احب الزهور الحمراء كثيرا

ما هذا المكان !!

ارتشفت رشفة صغيرة ولكنى لم اكملها , لا اعلم ولكنى احسست انى لست بعالمى

اختفت جميع الاصوات حتى خيوط الشمس الذهبية في اول الصباح , لا اشعر بها

نظرت حولي ولكن لا شئ , فقط فراغ ابيض .

تلاشي كل شئ حتى كوب قهوتى , لم يكن هناك شئ في المكان سواي انا .

اصابنى الخوف واخذت اركض بشده , حتى اصابنى التعب وغفيت رغما عنى .

لم اعلم كم غفيت ولكنى غفيت لبعض الوقت , حتى بدات عيناى تتحسس مداعبة اشعة الشمس لها , وببطئ شديد فتحتهما

حتى اجد نفسي بين عدد هائل من الزهورالحمراء

شعرت انى صغيرة جدا في هذا العالم , وان الوقت توقف

لا يوجد سوى شمس , ازهار , وصوت هدير ماء

يبدو انه يوجد مياه قريبة من هنا

انا زهرة!!

اشعر بمياه تتخلل جسدى , ولكن من اين تأتى ؟!

لا استطيع الحراك , حاولت جاهده ان اعلم اين انا , ولكن بلا فائده

ما استطعت معرفته هو انى اصبحت تلك الزهرة التى احبها زهرة حمراء

هل احلم ؟! لا لم اغفو سوى بعد ان تلاشي كل شئ اذا انا اعيش حقيقة الان ولكن ماذا افعل ؟!

افقت من شرودى علي فقدان احد اوراقي

يالهى ساموت الان , ولكن مع فقدان ورقة من اوراقي مع تلك النسمات التى تحملها بعيدا ,احسست انى كما انا لم ينقص منى شئ

وكأنى اتمثل في كل ورقة افقدها , تطايرت ورقاتى ورقة تلو الاخري ,حتى تبقت اخر ورقة

والان ساموت ؟ فهذه الورقة تمثلنى انا وهى اخر ما تبقي منى ذكرياتى مشاعري كل شئ احبه او اكرهه

والان حملت النسمات الرقيقه اخر اوراقي وحملتنى معها, كنت مثل طائرة تحلق في السماء , وبدات الهبوط بهدوء,حتى سقطت في الماء وحملنى برفق

شعرت به يلامسنى شعرت بتلك البروده الرائعة

والان تسقط قطرة من الماء علي لا اعلم من اين اتت

ولكنى سمعت صوت مرتفع , اعلم هذا الصوت سمعته من قبل

نعم تذكرت ذلك صوت الشلال ,ولكن الصوت يقترب شيئا فشيئا , الان اراه 

 هل سأنتهى الان ؟

اقتربت كثيرا من مياه المتدفقه وبدات اغرق في المياه شيئا فشيئا

حاولت الصراخ ولاكن بلا فائده فصوتى لم يخرج والمياه تتخلل جسدى

صرخت ووقعت نظرت حولي لاجد نفسي في شرفتى

وكوب القهوة علي الارض وملابسي مبلله بالقهوة

^_^

هيام في بلاد العجائب الخاصة بها

كان حلم

مع تحياتى :

هــيــامــ ســالــمــ

هاربة من نفسي

-     صوت انفاس عالية , دقات قلب متسارعة,الهث بشده , لا اريد ان ابقي هنا,اتابع ركضي بسرعة , متحملة تلك الالم التى اصابت جسدى,حتى اقع متعبة , لااستطيع الحراك

-     انظر خلفي في تعب واغمض عيناى ,لقد ابتعدت, لقد اختفي ذلك الضوء اللامع , اختفت تلك الالون ,ذلك الدفء, كل شئ اختفي

-     هل احلم ؟ اري انى اركض بشده, متعبة ,هاربة من شئ ما , ولكن ما هو ؟

-     تختفي الصورة شيئا فشيئا حتى تتلاشي , واستيقظ علي واقع مظلم ولكنى اخاف الظلام ,تلك البروده لايتحملها جسدى الضعيف ,ليس هناك الوان فقط الابيض والاسود , التفت هنا وهناك لكن لاشئ يحمينى , ساعتاد الحياه هنا , يجب ان ابتعد

-     تدور الارض ويتعاقب معها الليل والنهار , وتتوالي الايام يوم تلو الاخر

-     انسي روحى وقلبي ,نعم تركتهم هناك , والان انا جسد بلا روح بلا قلب  بلا مشاعر

-     ولكنى انظر في كل يوم الي ذلك الضوء الصغير , اريد العوده ,يخاطبنى عقلي يصرخ بشده لا لن تعودى

-     لماذا ؟؟

-     نعم تذكرت هناك ساصبح تلك الفتاه الضعيفة مرة اخري

-     لا اريد ان اعود الي تلك الفتاه , هنا وجدت ما اريد

-     اعلم انى اخاف هذا المكان ولكنه يجعلنى اقوى

-     ولكن ذلك الحنين يزداد يوم بعد يوم

-     اريد ان اكون تلك الفتاه التى تجمع صفات هنا وهناك

-     وكان ذلك صراع في عقلي

-     تركت هناك واصبحت هنا , وقلبي يحن الي هناك ,وعقلي يرفض ويريد البقاء هنا

-     ولكنى اتمنى وبشده ان اجمع بين هنا وهناك

-     الي متى ساظل هاربة من نفسي ؟

مع تحياتى :

هــيــامــ ســالــمــ

انا واخويا وفزورة اينشتاين

انا بحب التحدى ومفيش احلي منو , احساس جميل لما تدخل تحدى وتفوز بيه 
وحتى لو مكسبتش برضو انت كسبان, لانك استمتعت , انا في راي ان التحدى بيحلي الحياه وبيغير الروتين الممل اللي عايشين فيه 
الفترة اللي فاتت كنت في فترة ملل , لحد امبارح بعد الفجر 

موعد مع الوحش 

امبارح كنت قاعده ع الفيس كالعاده بقلب بملل بشوف في معلومات جديده انا معرفهاش ولا لا 
وصدفة لاقيت عنوان لفت انتباهى ,
 قومت واتعدلت في قعدتى وبصيت ف العنوان بتركيز 
فزورة صعبة لن يحلها الا 2% من العالم 
وكالعاده فضولي غلبنى ,دخلت اشوف ايه الفزورة دى 
كانت فزورة لاينشتاين  واللي خلانى اتحمس اكتر هو موضوع 2% 
كنت وقتها سهرانة ومش مركزة 
بس قررت اكتب البيانات بطرقتى الخاصة 
وبالصدفة ماما صحيت من النوم وشافتنى مركزة اوى 
وده طبعا خلها تندهش جدا وسالتنى بتعملي ايه؟ 
وبكل تركيز رديت 
بحل فزورة لاينشتاين 
ضحكت ماما عليا وقالتى ابقي قابلينى لو حلتيها ممكن اخوكى يحلها لكن انتى لا 
وهنا انا رفعت راسي , وبصيت بكل ثقة ورديت 
تتحدينى ؟
ضحكت وقالت انا واثقة من اللي قولتو 
طبعا كلامها زاد التحدى جوايا 
حسيت في نار من التحدي بتجري مع كل نقطة في دمى 
بس كنت نعسانة :) (الواحد برضو لازم ينام :) )
فقررت اخلص التلخيص اللي ف ايدى وقومت نمت , وانا ناوية انى لما اصحى هحل الفزورة دى 
صحيت من النوم ومسكتها وبدات امشي ورا الخيوط اللي انا حطيتها لما شوفت الفزورة 
واخويا مراقبنى وسالنى في ايه ؟
رديت عليه
 بحل فزورة لاينشتاين 
ضحك وقالي ورينى هحلها بسرعة 
وطبعا ده بيزيد التحدى جوايا 
ووافقت وقولتلو ع الفزورة
وبدانا التحدى  

بداية التحدى

انا برا ف الصالة وهو فالاوضة 

طلع بعد شوية بيضحك 
حليتها 
ضحكت وقوتلو قول 
قال حاجات بس انا متاكده انها غلط 
طبعا قعدنا تشاكل وهو يدافع عن نفسو 
لحد ما قالي تراهنى ع كام 
ضحكت وقولت 10 جنيه بس 
قال لا 100 
قولتو: ماشي بس هتدينى ال 100 
قالي اه 
ومرة واحده اختفي وانا قاعده اكمل الفزورة 
لحد ما حليتها وطلعت صح 
بس مش ادانى ال 100 
بس ايه عملت فرح 
الواحد لازم ياخد حقو برضو 
بهدلتهم اخر بهدله 
:)

بقولكم  ايه

ما تخدو الفزورة تجربوها :) 

هذه الفزورة وضعها اينشتين في اوائل القرن العشرين متوقعا ان 98% من سكان العالم لن يستطيعوا حل هذه الفزورة

ملحوظة: الفزورة لا تحل بمجرد النظر بل تحتاج الى ورقة وقلم

الفزورة:
1- في شارع هناك خمسة منازل كل منزل بلون مختلف
2- في كل منزل يعيش شخص من جنسية مختلفة
3- مالك كل منزل يشرب نوع معين من المشروبات، يدخن نوع معين من السجائر، ويربي نوع معين من الحيوانات الاليفة 
4- لا يوجد ان مالكين يشربان نفس المشروب او يدخنان نفس السجائر او يربيان نفس الصنف 

السؤال هو: من هو المالك الذي يربي السمكة؟ اذا عرفت المعلومات التالية:


1- البريطاني يعيش في البيت الاحمر 
2- السويدي يربي الكلاب كحيوانات اليفة 
3- الايرلندي يشرب الشاي 
4- البيت الاخضر على يسار البيت الابيض
5- مالك البيت الاخضر يشرب القهوة 
6- المالك الذي يدخن "بال مال" يربي الطيور
7- مالك البيت الاصفر يدخن "دانهل" 
8- المالك الذي يعيش في المنزل الذي في المنتصف يشرب الحليب 
9- النرويجي يسكن في البيت الاول 
10- المالك الذي يدخن "بلندز" يسكن بجوار الرجل الذي يربي القطط
11- الرجل الذي يربي الخيول يسكن بجوار الرجل الذي يدخن "دانهل"
12- الرجل الذي يدخن "بلو ماستر" يشرب بيرة 
13- الالماني يدخن "برينس"
14- النرويجي يسكن بجوار البيت الازرق 
15- الرجل الذي يخن "بلندز" يسكن بجوار الرجل الذي يشرب الماء

مع تحياتى :

هــيــامــ ســالــمــ

انا و اخر العنقود

اخر العنقود ... رمز لاخر طفل ف الاسرة

اختى الصغيرة اخر العنقود بتاعنا , وانا صغيرة كنت ديما يقول اننا اسرة مثالية من العدد 

عشان احنا 3 اخوات 

كنت بقارن بينا وبين كل حاجة , فكنت بقول 

هرم خوفو ... انا 

هرم خفرع ... اخويا 

هرم منكرع ... اختى 

وفي في برنامج بوجى وطمطم 

طمطم ... انا 

بوجى ... اخويا 

طماطم ...اختى 

كنت ديما بعمل كده 

لحد ما جت اختى اخر العنقود, وما ادراك ما  اخر العنقود :)

اقدر اشبه اخر العنقود بوحش صغير , لما يحبك يدلعك , ولما يضايق منك هيولعك 

بالزبط ده اللي بيحصل عندنا 

بس مع كل الحرايق اللي اصيبنا بيها سواء انا او اخويا او اختى , بسبب غضب اخر العنقود 

فاحنا لسه بنحبها , مش عشان صغيرة , لا ,لاننا اللي ربيناها 

افتكر اول يوم جت فيه 

كانت صغيرة اوى, كنت بحس انها  بتقولي  خدى بالك منى , انا ضعيفه 

حتى اخويا اللي قلب الدنيا عشان مطلعتش ولد , اول ما شافها قلبه حن عليها , وحبها لدرجة انو خاف يمسكها 

افتكر ان اخويا ممسكش اخر العنقود خالص وهى صغيرة من كتر ما بيحبها 

اما انا فكنت ديما بحبها , بس بعمل مقارنة بينى وبينها :)

ازاي اخر العنقود ليها سرير صغير وانا لا (ظلم) :)

بس كنت بحبها اوى 

افتكر في يوم انى شيلتها عشان العب معاها , بس لاقيتها بتتنفس بسرعة , وعشان انا كنت صغيرة لسه ومعرفش ان الاطفال بيتنفسو اسرع من الشخص العادى 

انا دخل راسى انها بتموت (بعيد الشر عليها )

ومن رعبي مقدرتش ابص عليها , اخدتها وحطيتها تحت الشباك و اشعة الشمس نازلة عليها , وجريت ابص من ورا الباب واخبي وشي 

بس  رجعلتها تانى :)

اخر العنقود دمرت النظام اللي كنت عملاه وانا صغيرة اننا مناسبين لاي شئ 

بس جت وغيرت نظام حياتنا , هى اللي بتخلي البيت ليه روح , مع انها عاملة مشاكل كتير 

بس اعتقد ان ده من وظيفة اخر العنقود 

لدرجة في يوم  فكرت ان لو اخر العنقود وظيفة والاخ الكبير وظيفة 

كنت استاقلت من الاخ الكبير وقدمت ف وظيفة اخر العنقود 

الواحد برضو عايز يدلع :) (مقارنة تانية بينى وبينها )

وفى النهاية اعتقد ان انا هفضل ديما اقارن نفسي باخر العنقود 

لان اللي بعملو ده بيدى روح قتالية للبيت انا وهى بنحبها :)

مع تحياتى :

هــيــامــ ســالــمــ